رجعت لعادتي السنوية واللي إلى شهر اكتوبر وأنا متوقعة اني باتخلى عنها هذي السنة، لكن الحمدلله جمعت لي وقت من هنا وهناك وقدرت أنجز التقويم رغم انه للأسف ماحصل لي فرصة طباعته، لكن خيرة ان شاء الله
عالأقل طلعت بتقويم لطيف وأحسه يشبهني وحبيته💕 وان شاء الله انتوا برضو تحبونه🌷
في الحقيقة، كنت محتارة جدًا هل انزله بمبلغ بسيط في متجري، أو يكون مجاني
، لأنو حطيت فيه جهد ووقت ومال، لكن جت امي الله يحفظها وقالت: يابنتي خليه مجاني عشان الناس تدعيلك🦋
ف نزلته مجاني كعادتي اللي بدأتها عام ٢٠١٦م🦖
تسعدني جدًا تعليقاتكم ودعمكم، لو ماكان فيه أشخاص راسلوني يسألوني إذا فيه تقويم هالسنة أو لا، يمكن ماكنت باتشجع وأسرق من وقتي المزحوم لتصميم التقويم
تقويم هذي السنة مافيه شي مميز، مافيه نجوم ولا أعشاب ولا اقتباسات، لكنه رقيق جدًا وهذا يكفي🐣
يسعدني جدًا نشركم للتقويم🌻 ولكن اللي حاب ينشره، أتمنى ينشره برابط المتجر عشان يوصلني العدد الحقيقي لمرات التحميل، يعني لما شخص يحمله بجهازه، ويروح ينسخ الملف ويرسله لأحد كـ ايميل او اير دروب او واتس اب، هذا مرة مايساعدني، انشروا رابط التقويم بالمتجر لأنه أصلًا مجاني وبكذا اكون شاكرة لكم🪴
رابط التقويم بمتجري، متجر ساحة الياسمين -تحميل مجاني-