🌿 طابت أوقاتكم بكل خير
اليوم خبزت كيكة البرتقال 🍊 بعد ما أخذت الطريقة من أختي نوره
بس غيرت فيها شوي باللي يناسبني، طلعت لذيذة جداً وهشة بشكل
وطعمها مع الشاي أخذني لبيتنا القديم برحيمة قبل ٢٠ سنة لأن
أمي وأختي كانوا يخبزونها كثير أيامها
والآن أترككم مع الوصفة لهذي الكيكة اللذيذة
المقادير:
بيضتين
علبة زبادي دافية
بنفس علبة الزبادي نقيس باقي المقادير
علبة سكر
علبة ونص دقيق
نص علبة زيت
نص ملعقة صغيرة فانيلا
ملعقة كبيرة بيكنج باودر
قشر برتقالة (الخارجي فقط بدون الابيض)
عصير برتقالة
الطريقة:
نسخن الفرن وندهن قالب الكيك بالزيت. نبشر قشر البرتقالة ونعصرها.
نخفق البيض مع السكر والفانيلا لمدة ٤ دقائق، ننخل الدقيق ونضيف باقي المقادير ونخلطهم سوا شوي بس لحد مايمتزجون كويس ونصب الخليط في قالب الكيك وندخلها الفرن تقريباً ٤٥ دقيقة (من تحت بعدين من فوق تحمر بس).
وبس كذا 👒
نقدمها مع أي مشروب نفضله وبالعافية
ملاحظة:
باستبدال البرتقال نقدر نعمل كيكة بأي نكهة نحبها بنفس المقادير الباقية 🌟